Acts 10

E Pitaß To Vatvus A Soe Vih Manih Pe Konilius

1Manih vöön Sisariaß a pah teß to teß non a ëhnaneah e Konilius. Eß e susun pa 100 teß vëvënsun vëh nee to pokaß va ne manih Nap Vëvënsun va Italiß. 2E Konilius vaßpeh me a tapaiuun peß to vasunön rakah ne e Sosoenën. Eß me to teß non pa vaßaus a nap arus po Jiuß, pareß vatet non a taateß pe Sosoenën. 3O pöh poen pa 3 kirök pa matanpoen ne Konilius to tata non, ko ep in a ankeroß pe Sosoenën to ho maß iuun, pareß vaoe poan pan, “Konilius.”

4Ke Konilius to kuteß non pa ankeroß eß he a naöp, pareß soe pan, “Ataeah pamëh, Apuh?” Ka ankeroß soe ke Konilius pan, “E Sosoenën to tënan en pa hin, me a kiu vaßaus pën manih pa nap arus, pareß vaeö me e non pën. 5Eën se vanö ta ma teß manuh vöön Jopaß, kee me rakah maß a teß vëh, a ëhnaneah e Saëmon Pitaß. 6Eß to teß non pa iuun pe Saëmon, e voe to nonok non sih a ma moeh tah po kap in a purmakaöß. A iuun peß to eok non sinten tahiß.”

7Ka ankeroß vëh to vavaato me non poan, këh hah en peß. Ke Konilius vaoe en pa poa teß kikiu me a teß vëvënsun. A teß vëvënsun eß a teß va po vaman, pareß teß non a teß pe Konilius. 8E Konilius to soe ken pa kukön teß pataeah to tavus vu, ko vanö en pee manuh vöön Jopaß. 9Po meoh poen, pa topnin potan, e Pitaß to peah en tonun iuun pa hin, ka kukön teß taneß maß pa iuun pe Konilius he vos vatët ee vöön Jopaß. 10E Pitaß to hinhin non ko maë pareß iu ëën non ta taëën. A taëën to meß e non pa vamatop, e Pitaß he tata en. 11Eß to ep in a akis to nö vakëh, ka tah to matan va non manih po rara apuh to han kunah no maß po taanaß noton manih po oeh. 12Komön o rara pamëh no a ma vu vönaß poa to teß ne, me a ma teß a rarauß, me a ma vönaß to vavarah ne, me o növan. 13Ke Sunön soe ke Pitaß pan, “Sun ah Pitaß, parën ip a paeh va pa ma tah varih ko ëën.” 14Ivëhkëk, e Pitaß to piun vamanih pan, “Sunön, eöß to hikta antoen noß a nok va nën. A taateß po Jiuß to soepip non a ëën a ma tah varih, suk a ma taëën poë varih to hikta teß vivihan ne.”

15E Pitaß to vapöök tënan hah en pa soe to soe non pan, “A ma tah varih ne Sosoenën to nok voh to vih e ne pa ëën, kën nat nom soe pan, eß to soepip non.” 16E Sunön to kukön vaato me e Pitaß ka tah vëh, ne Pitaß to ep hah peah en manuh akis.

17E Pitaß to pah kokoman vörep e non pa pusun in o tata pamëh. Ka varuß vakomanih a ma teß vanö pe Konilius to nat ee pa ö no a iuun pe Saëmon to teß non, ko maß, pare sun e ne po matön hopaß. 18Ee to hi vamanih pan, “Eß teß non a teß manih pa iuun vëh a ëhnaneah e Saëmon Pitaß?” 19E Pitaß to iu maaka non pa pusun in o tata peß, ka Tuvuh Vasioß soe ke poan, “Tënan ah. A kukön teß to vaiu maß oah. 20Eën se kunah, parën ep pee, parën koe a kokoman vörep, parën nö me raoe. Eöß to vanö maß raoe pa me a oah.”

21Ke Pitaß kunah, pareß soe ke raoe, “Eöß ivëh a teß nöm to vavaiu vah nem. Eöm nö maß suk ataeah?”

22Ee to piun, pare soe pan, “E Konilius, e susun pa nap vëvënsun to vanö maß möm. Eß a teß no a pop peß to vih, pareß vasunön non e Sosoenën, ko Jiuß ta rakah ne poë. A ankeroß pe Sosoenën to soe ke Konilius a ö neß se vaoe a maß oah pa iuun peß. Keß pënton pataeah nën se soe keah.” 23E Pitaß to vaoe ho raoe, kee koroh ee. Pa pöstakah po meoh poen e Pitaß to vamatop en pa nö, kee nö vaßpeh me ee pa ma meh teß va po vaman va Jopaß.

24Ee to vos ee Sisariaß po meoh poen, a vöön ne Konilius me a ma poaneah me a ma vakamöß, neß to vaoe to anoeh ne e Pitaß. 25E Pitaß se ho en iuun, ke Konilius ep in poan manih matön hopaß, pareß vatokon havin e Pitaß pa kë a ëhnan e Pitaß. 26Ivëhkëk, e Pitaß to kë vasun poan, pareß soe, “Sun ah. Eöß pet me a teß akuk.” 27E Pitaß to vavaato ho nö me e non pe Konilius, kee ep ee pa nap peo rakah to vatönun ne koman iuun.

28Ke Pitaß soe ken pee, “Eöm koman to nat e nem, a ma taateß po Jiuß to soepip non a to Jiuß pa teß vatös me a teß to hikta teß non a to Jiuß. Ivëhkëk, e Sosoenën to vataare a neoß a ö nöß se nat noß soe a meh teß, pan eß to hat, me eß to hikta soepip non a teß vatös me raoe. 29Ivëh, kën vaoe na neoß köß hikta pënton varo, eöß to nö eoß maß. Ivëh, köß se hi a oah, suk ataeah, kën vaoe na neoß?”

30Ke Konilius piun, pareß soe pan, “A potan to teß vavoh non manih, kuru o taanaß poen to oah ee. Pa 3 kirök voh pa matanpoen pa ö nöß to hinhin voh noß koman iuun peöß. Eöß to hinhin noß ka teß to ohop non o ohop kakaare rakah nö maß, pareß sun non pa mataneoß. 31Pareß soe ka neoß pan, ‘Konilius, e Sosoenën to tënan en pa hin me a kiu vaßaus pën manih po teß arus. 32Eën se vanö ta ma teß manuh vöön Jopaß, kee me maß e Saëmon Pitaß. Eß to teß non pa iuun pe Saëmon, a teß nonok ma moeh tah po kap purmakaöß, a iuun peß to eok non sinten tahiß.’ 33Ivëh, köß vanö vëvëhöß nös a ma teß pa me maß a oah, keß vih rakah non pën to nö maß. Emöm kurus to teß nem po epep pe Sosoenën, to anoeh nem a pënton ataeah ne Sunön to heß oah, sën soe ka möm.”

E Pitaß to Heß A Soe Koman Iuun Pe Konilius

34E Pitaß to taneo vaato en ko soe pan, “Eöß to nat eoß, eß to teß man e non pe Sosoenën to ep e non pea kurus to vatoe e no, pareß hikta vih ke non a ma pah teß. 35Ivëh, ke Sosoenën to vaneah rakah e non a napan kurus, a ma teß to hikta teß ne o to Jiuß, me o Jiuß pa ö nee to vean ne poë, ko vavatet ne a taateß totoopin rakah po epep peß. 36Eöm to nat e nem pa Soe Vih ne Sosoenën to vanö ke voh a napan va Israël. E Ieesuß, eß e Sunön pa napan kurus. Ivëh, ka manih pa ma vavaasis me a mët pe Ieesuß, a ma napan to vakamöß hah me ee pe Sosoenën. 37Eöm to nat koman e nem, moaan voh e Jon to vavaasis voh en pa taateß pupui, taneo no maß Galiliß ko nö en pa ma ö oeh kurus po Jiuß. 38A soe pamëh, eß a soe pe Ieesuß va Nasarët, pa ö ne Sosoenën to heß voh a Tuvuh Vasioß me o kikis manih pe Ieesuß. Eß to nö vavah pa ma vöön pa vaßaus me a nok vavih a ma napan varih no oraß hat to miröß voh, suk e Sosoenën to teß vaßpeh me non pe Ieesuß. 39Eöß, me a ma meh aposol varih to ep voh nem pa ma tah neß to nonok voh non manih pa ma ö oeh po Jiuß, me a vöön apuh pee Jerusalëm. Ee to ni voh poë pa kuruse keß mët nën. 40Ivëhkëk, e Sosoenën to vatoß taneß hah poan po vapeepe po vakön poen, keß teß toßtoß e non kuru vëh. 41A nap peo to hikta ep in e Ieesuß, emöm varoe o aposol neß to vaoe voh. Emöm to vaëën me voh eah pa ö neß to toß taneß hah po vapeepe. 42Eß to soe ka möm a ö möm se vavaasis a ma napan a soe to teß va non manih pan, ‘E Sosoenën to vateß voh e Ieesuß pa kiiki a ma hat pa nap mët me a nap toßtoß.’ 43A ma teß vanënën soe to vavatvus soe suk voh poë pan, a napan to vaman ne pa ëhnan e Ieesuß a ma hat pee neß se ihan anoe këh en pee.”

O Teß To Hikta Ne Pan Ee Ro Jiuß, To Kon A Tuvuh Vasioß

44E Pitaß to vavaato avoeß e non, ka Tuvuh Vasioß he kunah en maß manih pa napan varih to pënton ne pa soe. 45O Jiuß varih to vaman ne to nö vaßpeh me maß e Pitaß, to pah töhkak ee pa ö ne Sosoenën to heß a Tuvuh Vasioß manih pa napan to hikta teß ne o Jiuß. 46O Jiuß to pënton raoe to vaato ne pa ma meh to, pare kë rakah ee pa ëhnan e Sosoenën. Ke Pitaß soe vamanih pan, 47“A napan varih to kon a Tuvuh Vasioß, vamanih pa ö nemöm to kon vavoh. Eteh to antoen non amun raoe pa kon a tapui manih pa ruen?” 48Ke Pitaß soe ke raoe pan, “Eöm se kon a tapui pa ëhnan e Ieesuß Kristo.” Ka napan hi e Pitaß pan, eß se teß vaßpeh me voh non raoe, pa ta ma meh siß poen.